- NemID digitalimi kinaassutsinnut tunngasuuvoq. NemID atorlugu digitalimik imminut sullitarinialeruit digitalikkut kinaassutsit takutissavat. NemID atorlugu paasissutissat ilinnut tunngasut iserfigisinnaavatit. Taamaaliorsinnaavutillu sullissivik.gl imaluunniit netbank pineqaraluarpata.
Imminut sullitarinissamut aaqqiissummi digitaliusumi paasissutissat ilinnut tunngasut allanngortissinnaavatit. NemID atorlugu netbankikkut akiliisinnaavutit. sullissivik.gl-imi assersuutigalugu najukkat allanngortissimagukku kommunimut nalunaarutigisinnaavat imaluunniit akileraarutitigut ilanngaatissat allanngorneri akileraartarnermut aqutsisoqarfimmut noqqaassutigisinnaavatit. Tamakkunani pisunilu allani NemID atorlugu paasissutissat ilinnut tunngasut allanngortinneri ilinnit isumagineqartut uppernarsassavat.
NemID-mik isumannaallisaanikkut digitalikkut kinaassutsivit atornerlunneqaratarnissaanut illersuutaavoq. NemID-mut isissutigisavit allamut paasissutiginngisaannarneratigut isumannaassutsit qulakkeeqataaffigissavat. Inuup allap isissutigisartakkatit paasisimanerai nalornissutigigukku, kommunimi innuttaasunik kiffartuussivimmut saaffiginnissutigissavat. NemID-nnut mattussinissamik isissutissamillu nutaamik pinissannut taakku ikiorsinnaavaatsit. Qanoq imminut illersorsinnaanerlutit link-imi paasissutissat allat pissarsiarisinnaavatit. Allassimasut qallunaatuinnaq allaqqapput.
- aamma netbankinnut, pisortani nittartakkanut allanullu inuttut kiffartuussissutinut isissut allanngortinnagu atortassallugu. Ilinnut ajornaallisaataassaaq pitsaassutsimillu annertusaataajutigaluni pisortani kiffartuussinermut pitsanngorsaataassaaq.
Atuisutut-ID-tut atukkavit isissutitullu atukkavit saniatigut NemID-mut iserniartillutit nøglekort atortassavat. Taamaalilluni isumannaatsuunerussaaq, pissutigalugu iserniarnermi eqqaamassassannik peqarnissaa pisariaqarmat – atuisutut-ID aamma isissutissat – aamma tigummiaqarlutit – tassa nøglekort. Nøglekort-i akiliutitut kort-itut mikitigilersillugu peqinneqarsinnaasoq ataasiartumik isissutitut kode-nik 148-nik peqarpoq, taakkulu ataasiaannartumik atugassaapput. Atortorissaarummi isilernermi normut aalajangersimaqqissaartuunngitsut toortaqquneqartarput tassanilu normut toortagassat qassit sinnerunnersut atortorissaarummi takuneqarsinnaasarput. Nøglekort-imi normut toortagassat nungutsinnagit piffissaalluartillugu nøglekort-imik nutaamik nassitsissaatit. Aamma NemID App Store-kkut imaluunniit Google Play-ikkut aasinnaavatit. App’i pineqartoq NemID-mi nøglekort-imut pioreersumut tapertaasuuvoq.
NemID ikkuteqqaartariaqanngilaq taamaammat pigisavit saniatigut atortorissaarutini allani NemID ajornaatsuararsuarmik atorsinnaavat. Assersuutigalugu ilaquttavit qarasaasiaa, atuakkanik atorniartarfimmi qarasaasiaq – imaluunniit nunani allani internetcafemi qarasaasiaq atorlugu ajornanngilaq. Taamaallaat eqqaamasassaraatit atuisutut-ID aamma isissutissat taavalu nøglekort-i.
Qarasaasiaq alla atussagukku pasitsannartumik pisoqannginnissaa qulakkeertassavat. Assersuutigalugu isissutissat qarasaasiatigut akuerisassanngortinnginnissaa. Isersinnaatitaanngikkuit isissutivit kukkusumik allassimaneranik pissuteqarnissaa ilismananngilaq, imaassinnaasoq qarasaasiaq atukkat keylogger-eqartoq.
Keylogger tassaavoq qarasaasiamut tuffaassummit software-nik nalunaarsuisoq. Qarasaasiaq viruseqarsimappat atuisup qarasaasiaanik nakkutilliisutut atortarpoq, atortarporlu pingaartumik isissutit, kontonormut paasissutissalluallat mianerisassat internetikkut atuisoq niuerniartillugu imaluunniit aningaaserivikkut nuussiniarnermigut atuisarnerani atorneqartartut. Paasissutissat qarasaasiap atorneqartup logfil-ianut toqqorneqarsinnaapput / imaluunniit e-mailadressimut aalajangersimasumut nassiunneqarsinnaapput.
Taamatut pisoqarsimanissaa nalornissutigigukku, NemID-vit matutinneqarnissaa isissutissamillu nutaamik pinissat imaluunniit link-i una qallunaatuuinnaasoq atorlugu pissarsiniarnissaq siunertaralugu kommunimi innuttaasunik kiffartuussivik attavigisinnaavat.
NemID-mik pissarsereersimanngikkuit, assersuutigalugu bank-i aqqutigalugu, NemID inniminnersinnaavat uguuna www.nemid.nu. Aamma innuttaasunik kiffartuussivimmut ornigullutit saaffiginninnikkut NemID pissarsiarisinnaavat.
NemID pillugu sullissivik.gl aqqutigalugu atuarnerugit.
NemID-p nittartagaa alakkarteruk
Suliassaqarfik pillugu Digitalimik Sullissinermut Aqutsisoqarfik oqartussaqarfittut inissisimavoq, ilaatigullu NemID-mut aaqqiissutip aqunnerani kommuninut ikiuuttartuulluni.