airplanebooksbriefcase business cogs cross election entertainment fish house law lockmedicalpeopleselfservices socialtax

PITU-mut Workshop-ertitsineq iluatsilluartoq

Ulloq 27. maj Digitalimik Sullissinermik Aqutsisoqarfik internet aqqutigalugu qarasaasiarsornermut pilersuisunut workshop-ertitsivoq.

Workshop-imut siunertaasimavoq Qarasaasiarsornermut pilersuisut namminersortut naatsumik PITU-mut saqqummiuffigineqarnissaat, saniatigut itinerusumik teknik-itaanut isertinnissaat. Assersuutigalugu PITU-p sananeqaataa saqqummiunneqarpoq, isaasunut aqutsineq aamma misilittakkat aallaavigalugit takutinneqarpoq webservice-ip ilusilersornera, taavalu PITU-mut ikkunneqarnera takutinneqarluni.

Saqqummiussereernerup kingorna naatsorsuutigineqarpoq Qarasaasiarsornermut pilersuisut sannatsissaminnik peqalersimassasut PITU-mut tunngatillugu ilusilersuinissaminnut, paasissutissanik takutitsinissaminnut taavalu paasissutissanik PITU-mi aallersinnaanissaminnut iserluarsimanissaat aallartisarnissaminnut.

Workshop ingerlalluarpoq Estland-imiit, Savalimmiuniit Danmarkimiillu saqqummiussisoqarluni saniatigut apeqqutit pitsaaqisut akineqarlutik.

Ullormut programmiusoq:
  • Tikilluaqqusineq saqqiummiussinerlu – Driftchef Tony Didlevsdal-imiit
  • PITU pillugu saqqummiussineq – Projektimik aqutsisoq Cecilie Marie Jakobsen
  • PITU-p sananeqaataanik saqqimmiussineq – Cybernetica (Estland)
  • Heldin – Savalimmiut ”PITU-at” – Projektimik aqutsisoq Lilly Dam Hanssen (Færøerne)
  • PITU-mut tunngatillugu misilittakkat tigussaasut taavalu takutitassiaq isaasunut aqutsineq – Magenta (Danmark)
Workshop immiunneqarnikuuvoq kingusinnerusukkullu ikkunneqarumaarluni.

Workshop-imi saqqummiussat uani takuneqarsinnaapput:
Workshop-imut PITU-luunniit pillugu apeqquteqarusukkuit uunga allagaqarit: pitu@nanoq.gl imaluunniit uani nittartakkatsinni PITU pillugu paasissutissat atuakkit: