airplanebooksbriefcase business cogs cross election entertainment fish house law lockmedicalpeopleselfservices socialtax

Pisussaajunnaarsitsineq aamma atuarsinnaanissamut pisinnaatitsineq

Pisortat ataatsimut digitalinngorsaanermut periusissiamut tunngatillugu Pisortani Digitalimik Allakkerineq pillugu Inatsisartut inatsisaat nr. 14, 8. juni 2017-imeersoq Naalakkersuisunit akuersissutigineqarpoq.

Inatsisip kingunerivaa innuttaasut tamarmik 15-ileereersimasut inuttut normullit aamma Kalaallit Nunaanni aalajangersimasumik najugaqartut, digitalimik allakkeriveqarnissamut pisussaaffeqarput. Digitalimik allakkerivikkut innuttaasut pisortani oqartussaqarfinniit pisortat ataatsimut digitalimik allakkeriviatigut, tassa Digitalimik Allakkerivikkut allagarsisinnaassapput.

Innuttaasut kalluarneqartut inatsit malillugu atuarsinnaanissamut pisinnaatitsinissamut imaluunniit pisussaajunnaarsitsinermut periarfissinneqarput. Tamanna pissaaq innuttaasup kommunerisaanut imaluunniit inuit allattorsimaffiat malillugu kingullermik kommunerisaanut ornigunnikkut. Innuttaasoq pisinnaatitaanermik aamma tunniussisinnaavoq imaluunniit pisussaatitaajunnaartitsilluni Sullissivimmi immersugassaq immersoriarlugu nassiunnermi.

Innuttaasut pisussaajunnaarsinnissaannut aamma atuarsinnaanissamut pisinnaatitsinissamut ilitsersuut
Pisortani Digitalimik Allakkerinermit inunnik pisussaajunnaarsitsineq pillugu nalunaarutip paasilluarnissaanut ilitsersuusiortoqarpoq. Kikkut qanorlu atuarsinnaanissamut pisinnaatinneqarsinnaasut ilitsersuummi atuarneqarsinnaavoq.

Innuttaasut atuarsinnaanissamut pisinnaatitsinermik aamma Pisortani Digitalimik Allakkerinermi allagarsisarnermit pisussaajunnaarsitsinissamut qinnuteqaataannik sulisut suliarinninnissaannut annerusumik ilitsersuusiortoqarpoq. Aammali pisussaajunnaarsitsinissamut qinnuteqaatit kommunimit isumagineqarsinnaanersunik qulakkeerinnittussanut aqutsisunut tunngatinneqarpoq.

Innuttaasunik pisussaajunnaarsitsinissamut aamma atuarsinnaanissamut pisinnaatitsinermut ilitsersuut uani nassaarisinnaavat

Pisussaajunnaarsitsinissamut immersuiffissaq uani nassaarisinnaavat

Atuarsinnaanissamut pisinnaatitsinermut immersuiffissaq uani nassaarisinnaavat