Periusissiami suliniutinut malunnaateqartumik angusaqarfiusunut aningaasaliisoqartassaaq, aamma siunissami ungasinnerusumi imminut aningaasaliiffigisinnaasut eqqarsaatigalugit.
Aningaasanik agguaassineq aamma utertitsineq
Nuna tamakkerlugu digitalinngorsaanermut periusissiami suliniutit kisimik PDA-mit aningaasaliiffigineqarsinnaapput.
Nuna tamakkerlugu digitalinngorsaanermut periusissiami suliniutit suut aningaasanut inatsisitigut konto 40.98.02 atorlugu aningaasaliiffigineqassanersut PDA-mit pingaarnersiorneqartarput.
PDA-p suliniummiit aningaasaliissutit utertissinnaavai ima pisoqarpat:
- Malittarisassat malinneqanngippata
- Business case amigartoorutinut sanguppat / angusatut inernerit naammassineqartussatut naatsorsuunneqanngippata
Aningaasanik qinnuteqarneq
Digitalinngorsaanermut periusissiami suliniutit aningaasaliiffigineqassappata illit:
- ‘Digitalinngorsaanermut periusissiami suliniutinut malittarisassat’ malissavatit – ataaniittoq takuuk
- Ilanngussaq A immersussavat – ilanngussaq A aajuk uani
- Pisortat Ataatsimoorlutik Suliniummut Ilusiliuussaat atorneqassaaq aamma malinneqassaaq, matumani FOP-p najoqqutai – FOP aajuk uani
1 aamma 2 FOP-p ‘suliniutissatut isumassarsiaq’ ilanngullugu Digitalimik Sullissinermut Aqutsisoqarfiup allatseqarfianut PDA-mi ataatsimiissutiginnginnarani ilanngutitassanngorlugu nassiutissaaq.
Nuna tamakkerlugu digitalinngorsaanermut periusissiami malittarisassat minnerpaamik suliniuteqarnermi malinneqassapput. Digitaliusumik suliniutit allat malittarisassanik malinninnissaat innersuussutigineqarportaaq.
Malittarisassat malinnagit suliniuteqartut aningaasanut inatsimmi kontumit 40.98.02-mit aningaasaliiffigineqarsinnaanngillat.
Malittarisassat
- Suliniut pisortatigutataatsimoorussaassaaq.
Tamanna ima paasineqassaaq suliniutip, pisortaqarfiit, Namminersorlutik Oqartussat kommunillu oqartussaaffiata allaffissorneri taperserssussavai.
Pisortatigut pitsaassutsimut malittarisassai suliniummi atorneqassapput, kiisalu pisortani ataatsimut atortut soorlu sullissivik.gl, Pitu, Pisortani Digitalimik Allakkerineq aamma pisortani ataatsimut digitalimik ilusilersukkamik atuisuussaaq.
- Pisortatigut suliniummik periuseq atorneqassaaq aamma malinneqassaaq, matumani FOP-p tunngavii ilanngullugit – FOP aajuk uani
- Suliniuteqarnermi naalakkersuinermik ingerlatsineq ilisimaarineqassaaq.
Tamanna ima isumaqarpoq:
- aqutsisoqatigiinnik pilersitsisoqarsimassasoq, PDA-mi ilaasortaanngitsunik inuttaqartinneqartumik
- suliniummut aqutsisumit suliniutip aqutsisoqatigiianut aalajangersimasumik attaveqartoqartassasoq
- Suliniummut ingerlatsilernissaq qulakkeerneqarsimassaaq.
Tamanna ima isumaqarpoq suliniutip inaarneqarnerata kingorna ingerlatsinermi aningaasanik suli peqarpat, ingerlatsineq akisussaaffeqarfigineqareerpoq immikkoortortallu ingerlatsinermik akisussaasoq ingerlatsinermik akuersisuullunilu akuersissutiginnittassaaq.
- Suliniuteqarnikkut pisortani ataatsimut sipaaruteqartitsisoqassaaq